തിരുവനന്തപുരം ജില്ലയിൽ. വാളയാർ എക്സൈസ് ചെക്പോസ്റ്റിനായി അനുവദിച്ച

തിരുവനന്തപുരം ജില്ലയിൽ.വാളയാർ എക്സൈസ് ചെക്പോസ്റ്റിനായി അനുവദിച്ച പുതിയ കണ്ടയിനർ മോഡ്യൂൾ ഓഫീസ് ഉദ്ഘാടനം ചെയ്‌തു. ഇന്നലെ വാളയാറിൽ നടന്ന ലളിതമായ ചടങ്ങിൽ ബഹുമാനപ്പെട്ട തദ്ദേശസ്വയംഭരണ എക്സൈസ് വകുപ്പ് മന്ത്രി ശ്രീ. എം ബി രാജേഷ് അവർകൾ ഓഫീസിൻ്റെ ഉദ്ഘാടനം നടത്തി.സിന്തറ്റിക് ലഹരി ഉൾപ്പെടെ കേരളത്തിലേക്ക് എത്തുന്നത് അതിർത്തിക്ക് അപ്പുറത്തു നിന്നാണ്. അതിർത്തി കടന്ന് ഇവയെ നേരിടാൻ കേരള എക്സൈസിന് നിയമപ്രശ്‌നങ്ങൾ ഉണ്ടെങ്കിലും അയൽ സംസ്ഥാനങ്ങളുമായി സഹകരിച്ച് മികച്ച പ്രവർത്തനമാണ് എക്സൈസ് എൻഫോഴ്സ്മെന്റ് വിഭാഗം നടത്തി വരുന്നതെന്നും, ഇത്തരത്തിൽ കേസന്വേഷണത്തിന്റെ ഭാഗമായി ആൻഡമാനിലെത്തി അവിടുന്ന് എക്സൈസ് കണ്ടെടുത്ത, ലക്ഷക്കണക്കിന് രൂപ വില വരുന്ന, സിന്തറ്റിക് ലഹരിയുമായി ബന്ധപ്പെട്ട കേസ് ഇതിനു ഉദാഹരണമാണെന്നും ബഹു. മന്ത്രി ശ്രീ എം ബി രാജേഷ് അവർകൾ പറഞ്ഞു.പുതിയ ചെക്ക്പോസ്റ്റ് അതിർത്തി കടന്നുള്ള ലഹരി കടത്ത് തടയാൻ സഹായകമാകും. അത്യാധുനിക സൗകര്യത്തോടെ നിർമ്മിച്ചതാണ് പൂർണ്ണമായും ശീതീകരിച്ച കണ്ടെയ്നർ മോഡ്യൂൾ. സർക്കിൾ ഇൻസ്പെക്ടർ, എക്സൈസ് ഇൻസ്പെക്ടർ, ഓഫീസ് റൂം എന്നിങ്ങനെ പ്രത്യേക റൂമുകളും, വിശ്രമ മുറിയും, ശുചിമുറിയും അടങ്ങുന്നതാണ് ഈ കണ്ടയിനർ മോഡ്യൂൾ ഓഫീസ് സംവിധാനം.

പുതിയ മദ്യനയത്തിൽ എക്സൈസ് എൻഫോഴ്സസ്മെന്റ് വിഭാഗം ശക്തിപ്പെടുത്താനും ലഹരി വിരുദ്ധ പ്രവർത്തനങ്ങൾ ഊർജ്ജിതമാക്കാനും മുൻഗണന നൽകുമെന്നും ബഹു. മന്ത്രി പറഞ്ഞു.ചടങ്ങിൽ സെൻട്രൽ സോൺ ജോയിൻറ് എക്സൈസ് കമ്മീഷണർ ശ്രീ. എൻ അശോക് കുമാർ അധ്യക്ഷനായി. പാലക്കാട് ഡെപ്യൂട്ടി എക്സൈസ് കമ്മീഷണർ വി റോബർട്ട്, സർക്കിൾ ഇൻസ്പെക്ടർമാരായ എം എഫ് സുരേഷ്, എ ജിജി പോൾ, ജി പ്രശാന്ത്, സംഘടനാ നേതാക്കളായ ആർ മോഹനൻ കുമാർ, ടി ബി ഉഷ, എൻ സന്തോഷ്, കെ ജഗ്ജിത്ത്, വി ആർ സുനിൽകുമാർ എന്നിവരും സന്നിഹിതരായിരുന്നു.