തൃശ്ശൂരിൽ .മീറ്റ് ദ ന്യൂ ; ഓക്സസിലറി ഗ്രൂപ്പ് പുനഃസംഘടന ക്യാമ്പയിൻ – റിസോഴ്സ് പേഴ്സൺമാർക്ക് പരിശീലനം സംഘടിപ്പിച്ചു
കുടുംബശ്രീ ഓക്സിലറി ഗ്രൂപ്പുകളെ വിപുലീകരിക്കുന്നതിനും പുനഃസംഘടിപ്പിക്കുന്നതിനുമായുള്ള ‘മീറ്റ് ദ ന്യൂ’ ഓക്സിലറി ഗ്രൂപ്പ് പുനഃസംഘടനാ ക്യാമ്പയിന്റെ ഭാഗമായി സംസ്ഥാനതല ഓക്സിലറി റിസോഴ്സ് പേഴ്സൺമാർക്ക് ദ്വിദിന പരിശീലനം സംഘടിപ്പിച്ചു. ജൂലൈ, ഓഗസ്റ്റ് മാസങ്ങളിലായി കൂടുതൽ പേരിലേക്ക് ഓക്സിലറി ഗ്രൂപ്പിന്റെ പ്രവർത്തനങ്ങൾ എത്തിക്കുകയാണ് ക്യാമ്പയിന്റെ ലക്ഷ്യം..കിലയുടെ ആസ്ഥാനത്ത് 4 ബാച്ചുകളിലായി നടത്തിയ പരിശീലനത്തിൽ 1000ത്തോളം റിസോഴ്സ് പേഴ്സൺമാർ ഭാഗമായി. ജില്ലാ പ്രോഗ്രാം മാനേജർമാർ, ബ്ലോക്ക് കോർഡിനേറ്റർമാർ എന്നിവരും പരിശീലനത്തിൽ പങ്കെടുത്തു.
ഓക്സിലറി റിസോഴ്സ് പേഴ്സൺമാരുടെ ചുമതലകൾ, കർത്തവ്യങ്ങൾ, ക്യാമ്പയിൻ രീതിശാസ്ത്രം, ഓക്സിലറി ഗ്രൂപ്പിന്റെ പ്രാധാന്യം, ന്യൂതന ഉപജീവന സാധ്യതകൾ, ഓക്സിലറി ഗ്രൂപ്പിന്റെ പ്രവർത്തന സാധ്യതകൾ, ആശയ വിനിമയ പാടവം എന്നീ വിഷയങ്ങളിലായിരുന്നു പരിശീലന ക്ലാസ്സുകൾ. കൂടാതെ മികച്ച നിലയിൽ പ്രവർത്തനം നടത്തുന്ന ഓക്സിലറി അംഗങ്ങൾ തങ്ങളുടെ അനുഭവങ്ങളും പങ്കുവച്ചു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
nouveauwwwbloggercomkerala.blogspot.com