കവർച്ച കേസ് പ്രതിയെ മധ്യപ്രദേശിൽ പോയി അറസ്റ്റ് ചെയ്തു ഷൊർണൂർ പോലീസ്

വാടാനംകുറിശ്ശി പൊതുസ്ഥലത്ത് വെച്ച് പ്രതി കഞ്ചാവ് വിൽപന നടത്തുന്നതിനെ ചോദ്യം ചെയ്തതിലുള്ള വിരോധം വെച്ച് പട്ടികജാതിക്കാരനായ അന്യായക്കാരന്റെ കഴുത്തിൽ അണിഞ്ഞ 10 ഗ്രാം സ്വർണ്ണമാല ബലം പ്രയോഗിച്ച് കവർച്ച ചെയ്ത് കൊണ്ട് പോയി ഒളിവിൽ കഴിയുകയായിരുന്ന സുബീഷ് മെയ്യംകുന്നത് വീട്, വാടാനാംകുറിശ്ശി ഷൊർണൂർ എന്നയാളെ മധ്യപ്രദേശിൽ വച്ച് DySP ഷൊർണൂരിനു കീഴിൽ ഉള്ള സംഘംഅറസ്റ്റ് ചെയ്‌തിട്ടുള്ളതും പ്രതിയെ കോടതി മുമ്പാകെ ഹാജരാക്കി റിമാൻഡ് ചെയ്തിട്ടുള്ളതാണ്. ഇയാൾക്കെതിരെ ഷൊർണ്ണൂർ സ്റ്റേഷനിൽ 3 കേസ്സുകളും, കഞ്ചാവ് കൈവശം വച്ചതിന് കാളികാവ് എക്സൈസ് റേഞ്ചിലും, തൃശൂർ ഈസ്റ്റ് പോലീസ് സ്റ്റേഷൻ എന്നിവിടങ്ങളിലും കേസ്സുകൾ നിലവിലുണ്ട്. എസ് ഐ മാരായ ജെ.റഷീദലി, ജോളി സെബാസ്റ്റിൻ, സീനിയർ സിവിൽ പോലീസ് ഓഫീസർ മാരായ റഷീദ്, സജിത്ത്, മിജേഷ് എന്നിവരാണ് അന്വേഷണ സംഘത്തിൽ ഉണ്ടായിരുന്നത്