മൂവാറ്റുപുഴയിൽ.ഇന്ന് വൈകുന്നേരം. നിന്ന് ആലുവക്ക് പോകുന്ന ബസിൽ ഡൂട്ടിയിലുണ്ടായ

മൂവാറ്റുപുഴയിൽ.ഇന്ന് വൈകുന്നേരം. നിന്ന് ആലുവക്ക് പോകുന്ന ബസിൽ ഡൂട്ടിയിലുണ്ടായ കണ്ടക്ടറുടെ ചിത്രമാണിത്. വല്യ തിരക്കില്ലാത്ത ബസിൽ വിന്റോ സീറ്റ് പിടിച്ച് ഞാൻ ദിവാസ്വ‌പ്നവും കണ്ടങ്ങിരിക്കുമ്പോഴുണ്ട് ലോങ് സീറ്റിന്റെ അറ്റത്ത് ബാഗും കെട്ടിപ്പിടിച്ച് ഒരു പെൺകുട്ടി ഇരുന്ന് പരുങ്ങുന്നു. തൊട്ടടുത്തു നിന്ന കണ്ടക്ടർ കുട്ടിയോട് സ്നേഹപൂർവ്വം കാര്യം തിരക്കി. കുട്ടിക്ക് കീഴില്ലത്ത് ഇറങ്ങണം. സ്റ്റോപ്പ് അറിയില്ല. കണ്ടക്ടറോട് പറയാനും മറന്നു.കീഴില്ലം കഴിഞ്ഞ് രണ്ട് സ്റ്റോപ്പു പിന്നിട്ട വണ്ടി കണ്ടക്ടർ ബെല്ലടിച്ച് നിർത്തി. കുട്ടിയെ സമാധാനിപ്പിച്ച് തിരിച്ചു പോകാൻ കയ്യിൽ കാശില്ലെന്നറിഞ്ഞപ്പോൾ വണ്ടിക്കാശും കൊടുത്ത് സുരക്ഷിതമായി റോഡ് കടത്തി ബസ് സ്റ്റോപ്പിലെത്തിച്ചു. എത്ര ആത്മാർത്ഥതയോടെ മനുഷ്യത്വത്തോടെയാണ് ആ കണ്ടക്ടർ പെരുമാറിയത്. ഊർജ്ജസ്വലമായി ചിരിച്ച് സംസാരിച്ച് ജോലി ആസ്വദിക്കുന്ന ആ നല്ല മനുഷ്യന്റെ പേര് അറിയില്ല. മനുഷ്യനെന്ന വാക്കിന്റെ അർത്ഥം അന്വർത്ഥമാക്കുന്നയാൾക്ക് എന്തിന് മറ്റൊരു.പേര്...