എൽഡിഎഫ് സർക്കാരിൻ്റെ ഏറ്റവും പ്രധാനപ്പെട്ട പ്രഖ്യാപനങ്ങളിൽ ഒന്നായ അതിദാരിദ്ര്യ നിർമ്മാർജ്ജനം അതിന്റെ ലക്ഷ്യത്തിലേക്ക് അടുക്കുകയാണ്. തിരുവനന്തപുരം നഗരസഭയ്ക്ക് കീഴിൽ

തിരുവനന്തപുരം നഗരസഭയ്ക്ക് കീഴിൽ കണ്ടെത്തിയ അതിദരിദ്ര വിഭാഗത്തിൽപെട്ട കുടുംബങ്ങൾക്ക് പാർപ്പിടം, സൗജന്യ റേഷൻ, ചികിത്സ, വിദ്യാഭ്യാസ സഹായം എന്നിവ ഉറപ്പ് വരുത്തുന്നതിൽ കോർപറേഷൻ ഭരണസമിതി ജാഗ്രതയോടെ ഇടപെട്ട് വരികയാണ്. പുതിയ വിദ്യാഭ്യാസ വർഷാരംഭത്തിൽ തന്നെ കുഞ്ഞുങ്ങൾക്ക് ആവശ്യമായ പഠനസാമഗ്രികൾ അവരുടെ വീടുകളിലെത്തി നൽകാനാണ് തീരുമാനിച്ചത്. വൈകാതെ ഈ കുടുംബങ്ങൾ സ്വയംപര്യാപ്‌തമാവുകയും നമ്മുടെ നഗരം അതിദരിദ്രർ ഇല്ലാത്ത നഗരമായി മാറുകയും ചെയ്യും. സർവതലസ്പർശിയും സാമൂഹ്യനീതിയിൽ അധിഷ്ഠിതവുമായ വികസനവും ക്ഷേമവും എന്ന എൽഡിഎഫ് സർക്കാരിന്റെ കാഴ്ചപ്പാട് നടപ്പിലാക്കുക എന്നതിനാണ് ഭരണസമിതി മുൻഗണന നൽകുന്നത്. നമുക്കൊരുമിച്ച് ആ ലക്ഷ്യം നേടിയെടുക്കാം.